Porque as persoas seguen a ser o máis importante

En AR DE ARTE conectamos talento galego para ofrecerche produtos únicos

pintura: fernando rei

A pintura de Fernando ten unha beleza pura, sen adornos, única… sostida con trazos que semellan deseñados polo mesmo mar.

Unha homenaxe á tradición pesqueira de Galicia que só un artista como Fernando, vencellado á vila mariñeira de Muros, é capaz de crear.

Por iso, Fernando Rei é «O pintor do mar»

Ilustración: Celsius Pictor

O seu estilo varía segundo o proxecto, pero adoita estar baseado no collage con imaxes do século XIX que Celsius redebuxa, mestura e modifica para crear personaxes e ambientes únicos que comuniquen unha mensaxe concreta.

fotografía e deseño: Leo López

Menos é máis. Como un escultor, Leo entende o proceso creativo como un estudo e selección completo da imaxe, no que se elimina o superfluo para deixar só o esencial. A búsqueda do simple, do lugar primario que todos recoñecemos e que por puro e sen artificios ten beleza propia.

ARTES PLÁSTICAS: LUCÍA ROMANÍ

O seu traballo integra diversas disciplinas e linguaxes, tendo especial relevancia o xogo formal e cromático visible na mestura de técnicas, materiais e procedementos.

Lucía Romaní concibe a súa obra, que vai dende a figuración ata a abstracción, como parte integrante dun proceso aberto en constante transformación e deriva.

Música e baile: De ninghures

«De ninghures» é unha asociación de xente nova que propón unha escolma de temas que beben do tradicional e conflúen con novos sons, todo nunha atmosfera de festa e diversión.